只掀動愛情 再難過始終會過 浮沉中總會有我

544愛的鼓勵 1訂閱站台

“政府就好似一間經理人公司咁, 咁呢間公司既artists就係我地o的香港人. 咁響呢一間經理人公司運作底下, 咁我地既收入呢, 如果你地係要抽稅都岩, 係好應該既. 因為呢間公司呢, 比左九年免費訓練我, 又教我唱歌, 又教我跳舞. 咁又比左保母我, 又比助手啦, 咁出出入入又有梳頭, 又有化粧, 咁都幾威風下. 咁周圍果o的人丫, 好似四小龍咁都好羨慕我架. 咁但係呢, 以前個市好, 我搵到好多錢, 咁公司就抽我 16 % 佣, 咁大家就合作愉快啦, 你又賺到錢, 我又賺到錢. 咁我上親台囉獎都會多謝董建華咁樣. 咁大家好開心, 大家happy.

咁但係呢, 宜家個市唔好喎. 咁公司呢就計落條數, 丫唔得喎, 要蝕錢喎, 於是呢就要加我佣金, 加到 17 %. 咁另外呢, 仲要cut 我保母, cut我化粧, cut 我整頭, 然之後仲同我斤斤計較埋o的夜晚的士錢津貼, 食飯盒津貼呀, 飲咖啡津貼呀咁. 咁樣就梗係火藥味重啦, 咁個artist 就鬧喇, 我已經賺少左架喇, 你仲加我. 咁o的保母又鬧喇, 年年凍薪減薪唔單止啦, 你仲要cut 人, 咁我咪要做多o的野 ?! 咁如果架保母車識講野, 架保母車都鬧啦, 有冇搞錯呀, 要我行咁多路, 行到我副偈到殘晒. 咁高層呀強哥呢, 仲發晒火喎, 鬧我喎. 就話, 咁我就係靠你o的佣做收入架嘛, 咁唔係點維持呀. 拿咁而家佣你又話唔比加, budget又唔比cut, 咁o的錢邊度黎呀 ?! 天跌落黎呀 ?! 樹生架 ?!

拿, 咁你講到咁打橫黎呢, 都係幫唔到件事既. 拿你稔下, 今年你就抽我佣啦, 加多o的, 就抽到17 %. 哦, 出年你又話條數又計唔掂喎, 抽 27 %. 咁如果我唔紅, 搵唔到錢, 我比270 % 稅你都冇用啦. 仲有喎, 你抽咁高佣, 我做做埋埋比晒你, 又冇福利, 係人都冇心機做架. 咁過幾年呢, 我就退出娛樂圈, 黯淡咁退出, 你間公司仲執埋添, 咁又點算呢 ?!

拿其實呢, 政府係我地既經理人黎架嘛, 政府要做既呢, 其實就係捧紅我地. 你有本事捧紅我, 我咪賺多o的, 你咪抽多o的囉, 唔可以郁個 %, 咁唔係咁攪架嘛. 咁如果我紅到, o的錢自己推埋黎比我賺既, 咁你咪可以 un un 腳唔駛做, 淨係收錢囉. 咁以前香港既情形就係咁樣. 咁如果你話, 唔係喎, 今時唔同往日嘛, 咁個市又差, 你又冇戲拍, 又冇人搵你拍廣告, 咁係你自己唔爭氣丫嘛. 咁又講唔通喎, 呀政府先生. 咁無論個市幾難做, 幾差都好, 都有天王同天后架嘛. 問題係你推唔推到我去呢個位, 幫唔幫到我接到野做丫嘛. 咁人地楊千樺鄭秀文咪又大把廣告拍, 仲話要減產添. 咁你又唔好同我講, 車, 你咁既料, 點夠人爭丫. 喂, 咁你咁講即係話我地班香港人捧唔紅啦. 你唔好咁講喎, 香港人咁勤力. 幾十年前, 咁艱難, 乜野資源都冇, 咪一樣捱出頭. 但係, 我地響最紅最紅既時候簽左比你, 你呢就將我地做到越黎越差. 宜家呢, 人氣狂跌, 收入減. 你仲要話加我佣, cut 我支出, 咁你話點講得過去呢 ?! 問題係咪我地轉左經理人公司, 而呢間經理人公司唔掂呢 ?! 係咪應該反省下呢 ?!”

很好的比喻…

節錄於 2003 年 3 月1 日 雷霆 881 節目--- 《點芷一個人》by 梁芷珊