24h購物| | PChome| 登入
2006-06-10 17:04:36| 人氣483| 回應8 | 上一篇 | 下一篇

愛, 就是要對方變

推薦 0 收藏 0 轉貼0 訂閱站台

常言道兩個人一起不要改變對方, 但我認為戀愛就是要對方改變, 視乎你用甚麼方法去令對方變.

愛上一個人, 我們不會不變. 不會變, 為甚麼要愛上一個人, 貪好玩麼?? 雖然談戀愛的目的不是求變, 但很自然會變, 為對方而改變. 多多少少總會有變, 沒可能沒有. 像愛一個人, 很自然的. 有些自願變, 有些不太願意, 但為了對方也會變或適當調節. 若然本著當初一起時已存在作為理由, 除非未去到愛那個人, 否則這絕不是愛的表現.

要改變一個人有很多方法, 很多態度. 好的方法, 不好的態度也沒用. 相反不好的方法, 好的態度也徒然. 用耐性和溝通, 令對方潛移默化, 慢慢地接受才是上佳方法. 但問題是不知要付出多少耐性和時間. 一個月?? 半年?? 一年?? 不是每個人都願意付出時間去等待對方改善. 特別是女人.

女人的青春有限, 時間是比男人特別寶貴的. 每個人的缺點都不會少. 要做得好時, 永遠也有地方需要做得更好. 男人若果真係把需要改善的東西攤分一段長時間去改善, 請利用初段的時間去重點改善.

否則當女人不想等, 要離開時, 她只會對你說 “不用了, 不要再為我做甚麼了…”

我要檢舉
台長： 靜心.

您可能對以下文章有興趣

人氣(483) | 回應(8)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫) | 個人分類: 就是愛情 |
此分類下一篇:忘記了好
此分類上一篇:好與不好

我要回應
一個傻女仔
我認為如果係愛個人~就唔應該介意佢~
2006-07-21 19:24:16
不懂抉擇的人
潛移默化~~我正在努力在做這樣的事呀!! 我和現在的情人斷斷續續交往了差不多3年..時間可說長..在這3年間我不斷去改變..即try 過放一放手,果真有小許幫助..但亦很快故態覆盟...因為這樣令我一直很懊惱!! 可能我們之間一直存在一個問題而且令他接受不了...就是我是曾經結過婚的人...並且兒子是跟我的...就是這點而令我們很難再跨越一步,在這3年裡..佢亦有給我見得到佢想去try 去接受但奈何思想及家人的感受令佢卻步, 而他本身是比較介意朋友怎去看他...所以我和他的感情也比較危險邊緣...我也不知該如何是好!!
2006-09-06 14:44:02
靜心.
這個case...跟潛移默化有一點點的不同. 因為的確有個實實在在的兒子存在著, 還有他的家人和朋友, 牽連甚廣. 潛移默化一般只適用於兩個人之間的事情, 現在是一大夥人....老實說, 很難很難潛移默化.

我覺得....有必要令他和令朗相處一段長時間. 對得多才會接受, 人與人是需要濷通和接觸的. 不過~ 你也要作心理準備他們會越對越討厭呢~~

話說回來...都已經三年...是否應該再放時間下去...只有你才清楚.
2006-09-06 16:00:31
不懂抉擇的人
其實係上年佢已經比我睇到佢係嘗試我個兒子, 因為在初初的一年內, 佢完全唔會同我個仔contact, 直到有一次佢叫我去食飯佢問我點解唔帶bb出嚟, 就係因為咁佢開始同bb溝通, 如:講電話, 同佢去街玩, 睇戲等等, 就係因為佢有咁既行動所以我決定繼續放時間落去...希望可以改變佢既思想, 用時間嚟令佢慢慢接受. 但係我亦都會知道就算佢會否由不接受至到接受都好, 我同佢一齊呢段路都係會不斷有問題出現, 但係好取決於佢自己點諗!! 到依家呢個階段我都唔知我可以放幾多時間落佢度, 我其實都本死狀態同佢一齊, 我知道我會好被動因為我愛佢多過佢愛我, 正正因為我愛佢, 所以我願意keep左呢個關係3年...雖然係話牽連甚廣, 但如果佢係慢慢接受得到既話...我相信其他人既眼光都變得唔重要!!

好多謝你既回覆. 我會繼續支持你架!! 加油!!
2006-09-06 18:07:31
靜心.
我同意你說, ”但如果佢係慢慢接受得到既話...我相信其他人既眼光都變得唔重要”. 的確佢身邊既人都係以關心佢為中心, 只要佢心態轉變, 我都相信其他人會被她感染得到.

現階段你也不知道可放多少時間的話, 比著我我都會繼續經營呢段感情. 一來你”很”愛她, 二來她也有意思向前走 (唔理走幾快, 走幾多, 有positive既行為/行動, 已經係你keep下去既強心針). 三來你都本死狀態 (我喜歡這個形容, 愛一個人, 的確要抱著本死的精神)同佢一齊.

加油~~ 值得繼續努力在這段感情. keep住佢同bb既溝通, 我深信有改善~~
2006-09-07 10:25:10
不懂抉擇的人
好對唔住...我應該交代番..我係一個女人,一路以嚟係我角度嚟睇,要女人去接受一個有仔既男人係唔難, 但掉轉頭要一個男人去接受一個女人有仔既就相對嚟講好難...真係唔知點解?? 其實好開心係一個偶然之下比我發現到呢個平台...令我覺得我可以將我唔開心同解唔開既問題係呢度去抒發...

老實講..我真係對呢段感情冇信心, 係斷斷續續既時間裡面(上年年頭),我有同過其他人一齊, 但最後我都係選擇去同番依家呢個男人一齊,我自己都唔明點解...近排亦有一個對我好好既男人出現(佢知我有仔既)但我都冇去選擇佢,我亦都好清楚知道佢係一個可以照顧我令我開心同幸福既人...但唔知點解我放唔低我同依家呢個男人既感情...連我自己都百思不得其解..佢任何一方面比我個男友對我好好多, 佢會以我為中心, 只要我想要而佢又做到或者係令我開心既佢一切一切都會去做...就算佢知我依家有男友都好...佢亦唔介意去對我好..佢有好多野都令我好窩心,但我始終都未有愛去既衝動,我亦同佢講左,叫佢唔好咁去為我...因為我只係知道我依家未會想同佢一齊..將來我唔知!

我自己都好模糊...究竟我愛唔愛我呢個男友呢...有時候我好肯定自己係愛..但有時候又唔敢肯定...自己都好矛盾...佢又究竟愛唔愛我呢?? 我諗起呢d問題都得啖笑...因為我搵唔到答案@.@

anyway 好多謝靜心你既回覆 ^o^
2006-09-08 01:34:31
修道船
「不懂抉擇的人」，男人不喜歡女人有小孩的原因是嫉妒，因為通常女人都會放很多感情和時間在孩子身上，視兒女是生命中的第一位，有時甚至會冷落配偶。妳不接受新的好男人，證明妳愛男友多些。此外，既然對方都願意為妳付出到這個程度，那就不用懷疑他是否愛妳的問題了吧！

靜心，愛是無條件地接受和給予對方自由，是全然地接受對方本然的樣子，優點與缺點，而不是改變對方，硬要對方符合自己的期望和需求。
當然，愛人可以選擇在愛中成長，自然地改變，但這是自願放下自己的偏執為對方設想，這種轉變是不能要求對方的，否則愛會變成交易，甚至把對方貶為工具。愛是如你所願(As You Wish)！
2006-10-31 13:26:48
靜心.
同意呢~ 一定要自願改變...否則會很辛苦...
2006-11-01 11:12:49
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文